A Biblio do Cabo

 Para celebrar o Samaín, o alumnado do club de lectura de secundaria achegouse aos relatos de medo de destacados narratólogos da literatura universal, como Edgar Allan Poe, Lovecraft, Oscar Wilde, Javier Castillo, Ánxel Fole e Paula Carballeira. Cada estudante elixiu unha obra destes autores para inspirarse na creación do seu propio microrrelato.  Así, escolleron títulos como Cuentos de Lovecraft, O retrato de Dorian Grey , O corvo , El día que se perdió el amor , El fantasma de Canterville , Contos da néboa ou Trece avisos: contos para ler pola noite .  Tras a análise da narrativa de terror e dos seus elementos característicos, o alumnado do club de lectura "Libros ao Cabo" redactou microrrelatos orixinais de medo, que sementaron en distintas macetas, seguindo a iniciativa "Sementando o medo", que partiu do equipo de dinamización da lingua galega.  Velaquí podedes ver varios dos produtos finais.

 O pasado martes, 29 de outubro, o alumnado de educación infantil desprazouse ata o comedor escolar para participar na confección dunhas galletas de Samaín co persoal da cociña do CPI Plurilingüe Cabo da Area.  Os cativos gozaron enormemente desta actividade proposta polo equipo da biblioteca do centro. Ademais, compartiron este delicioso postre co resto dos usuarios do comedor escolar durante o xantar.  

 O alumnado do club de lectura "Libros ao Cabo" iniciou a súa nova andadura para o curso 2024-2025 co deseño e presentación do chaveiro insignia dos membros do club para este ano académico. A peza e o logo foron ideados polos/as estudantes inscritos na actividade e impresos coa cortadora láser e a axuda do coordinador de Polos creativos do centro.