A Biblio do Cabo

 Polo día da poesía, que ten lugar o 21 de marzo de cada ano, preparouse unha exposición de libros de poesía en educación infantil e primaria. Deste xeito, o alumnado puido ter acceso a libros cheos de poemas e de versos propios deste xénero literario que estimula a creatividade e a sensibilidade de cada lector.

 Con motivo da conmemoración do Día do Teatro, que ten lugar o 27 de marzo de cada ano, as etapas de educación infantil e primaria crearon unha exposición de libros de ámbito dramático presidida por un orixinal cartel con personaxes fantásticos detrás dun gran telón vermello.  Día do Teatro 2026 Os divertidos libros expostos tratan a temática teatral dende diferentes perspectivas e incluíndo personaxes coma marionetas, títeres, pantasmas e cabaleiros medievais, entre outros. En resumidas contas, o alumnado poderá gozar desta fabulosa exposición durante todo o mes de marzo. Neste sentido, as obras permiten coñecer o universo dramático máis de preto e inspirar ao alumnado para que deleiten ao público nas súas futuras representacións teatrais.

 O alumnado do club de lectura de 2º e 3º ESO preparou unha serie de actividades creativas arredor das obras Las lágrimas de Shiva e Desconocidos . Algunhas das máis significativas foron o deseño de memes que afondaron de xeito humorístico na mensaxe ou nas emocións máis destacadas experimentadas polos principais personaxes dos textos.  Por outra banda, tamén elaboraron sendas listas de reprodución coa banda sonora das dúas novelas.  Podedes acceder á play list de Las lágrimas de Shiva desde a seguinte ligazón:  https://www.youtube.com/playlist?list=PLdf49obxGOaqJXR6IHOES8LH_8rO3D4t9 Así mesmo, a lista de reprodución correspondente a Desconocidos atópase aloxada na seguinte ubicación:  https://www.youtube.com/playlist?list=PLdf49obxGOaojKTgqnAxPI5ib5_p3nHj5

 O alumnado do club de lectura de 2º e 3º ESO revisou nos meses de xaneiro e febreiro as obras Las lágrimas de Shiva , de César Mallorquí, e Desconocidos , de David Lozano. Tras a posta en común e análise temática de cada novela, os/as estudantes prepararon unha serie de memes que recrearon, en clave de humor, algunhas das escenas ou emocións máis significativas de ambos textos.  Velaquí tedes algunhas mostras da creatividade dos integrantes do club de lectura de 2º ESO: E, agora, outros exemplos dos memes creados polos/as estudantes de 3º ESO:

 Polo día de Rosalía, que tivo lugar o 23 de febreiro, educación secundaria preparou unha actividade que consistiu nunha caixa de correo do amor. Deste xeito, o alumnado podía introducir en dita caixa un poema da autora galega ou, se así o preferisen, unha mensaxe creada por eles mesmos e, finalmente, destinar esta correspondencia a un destinatario ou destinataria da súa elección. Con este xesto, animouse aos estudantes a enviar algo bonito a alguén mostrando o seu agarimo por esa persoa. Por outra banda, educación infantil e primaria prepararon unha exposición, coa súa correspondente cartelería, sobre Rosalía de Castro. En dita exposición, incluíronse imaxes da poetisa galega e tamén de mostras dalgunhas obras salientables cos seus correspondentes poemas manuscritos replicados.  Igualmente, expuxéronse libros escritos por autores contemporáneos que afondaron nalgunha obra da autora e modernizaron o seu contido incluíndo reflexións e ilustracións como por exemplo o libro de Mi...

 Con motivo da celebración do Entroido, en educación infantil e primaria preparouse un mural e unha exposición sobre os traxes típicos do entroido tradicional galego. Para a elaboración desta exposición artística tomouse como referencia a Guía do Entroido galego da ilustradora Iria Prol. Entroido 2026 O alumnado destas etapas puido contemplar as máscaras e os traxes típicos desta festividade en Galicia, vivida con máis intensidade na provincia de Ourense. Así pois, os seis personaxes máis significativos serían os Peliqueiros de Laza, os Pantallas de Xinzo de Limia, os  Cigarróns de Verín, os Boteiros de Viana do Bolo e de Vilariño do Conso, e o Felo de Maceda.  Ademais, os alumnos tiveron acceso a moitos outros libros de temática de entroido sobre disfraces, maquillaxes e talleres de manualidades, entre outros. En definitiva, manuais explicativos moi útiles para consultar e sacar ideas interesantes que puideron aplicar ás súas propias indumentarias de entroido.