Entradas

Día das escritoras

Imagen
O martes 13 de outubro, celebrouse o Día das Escritoras. Para conmemorar esta festividade, a Biblio do Cabo preparou unha exposición temática cunha selección de obras dalgunhas das autoras máis representativas de literatura galega, española e universal.  Ademais, varias alumnas colaboraron coas profes na elaboración duns cartaces para decorar a exposición da biblioteca de secundaria.  Na bibilio de primaria, tamén fíxose unha exposición que inclúe libros asinados polas escritoras.  Ademais, o alumnado de 1º ESO participou nunha sesión de caza do tesouro literaria na que tivo que resolver diferentes enigmas e superar unha serie de probas relacionadas con algunhas das escritoras máis destacadas da nosa literatura.  Con esta iniciativa, quixemos render unha pequeña homenaxe a todas aquelas mulleres que deixaron unha pegada imprescindible na literatura. 

Obradoiro “Violencia de xénero e novo contexto dixital” para o alumnado do club de lectura de 2º ESO

Imagen
 O xoves, 5 de novembro, o alumnado de 2º ESO do club de lectura participou no obradoiro "Violencia de xénero e novo contexto dixital", impartido por Pantallas Amigas e centrado no coñecemento e prevención das novas formas de violencia que xorden no marco dixital: ciberviolencia de xénero, grooming e sextorsión, entre outras.  O grupo recibiu esta formación para preparar con maior coñecemento de causa a seguinte actividade do club de lectura: a elaboración dun manifesto de repulsa contra a violencia machista co que conmemorarán o 25 de novembro.

Sesión de lecturas terroríficas, organizada polo equipo de biblioteca e polo club de lectura de secundaria

Imagen
 Co gallo da celebración do Samaín, o alumnado de educación secundaria reuniuse na biblioteca (debidamente decorada para a ocasión) para compartir cos seus compañeiros e compañeiras a lectura de relatos de terror orixinais creados polos mesmos estudantes. A sesión tivo lugar o martes, 3 de novembro, entre as 16.10h e as 17.30h. Nela, participaron como relatores cinco alumnos de 1º ESO e os integrantes do club de lectura de 3º ESO. Todos eles traballaron previamente na aula a estrutura do conto de medo, achegándose tamén a unha selección de lecturas que lles proporcionaron ideas para deseñar posteriormente a súa propia historia. Durante a sesión, a alumna Miriam Lema Vázquez recibiu o accésit do concurso de relatos de terror de secundaria pola magnífica calidade do texto que presentou ao certame e os/as estudantes da materia de Oratoria estrearon unha curtametraxe terrorífica integramente orixinal ideada, escrita, protagonizada e editada por Nerea Barcia, Alberto Lago, Carla Ord...

Certames de manualidades, apócemas e relatos de terror no Samaín

Imagen
  O Equipo da Biblioteca do CPI Cabo da Area convocou, con motivo da celebración do Samaín, unha serie de certames nos que o alumnado do centro tivo ocasión de demostrar a súa creatividade. Así, os/as estudantes de educación infantil e primeiro ciclo de primaria participaron no concurso de manualidades terroríficas. Os seus gañadores foron Ruth Díaz Traba (6º EI) e Kevin García Insua (1º EP), respectivamente.  Pola súa parte, o alumnado do segundo ciclo de primaria inscribiuse no certame de apócemas, resultando gañadora Catalina Acosta Callegari (3º EP); mentres que os estudantes do terceiro ciclo e o alumnado de educación secundaria demostraron as súas destrezas creativas no concurso de relatos de terror, que gañaron Dylan Romar Varela (5º EP) e Elena Sampedro Vázquez (3º ESO). Parabéns a todos e todas! 

Día das Bibliotecas Escolares (24 de outubro) e Día do Lector e das Lectoras en Galicia (3 de novembro) no club de lectura de secundaria

Imagen
  O venres, 23 de outubro, foi o día seleccionado para a inauguración da actividade literaria e cultural do club de lectura de secundaria no curso 2026-2027, vencellada nesta ocasión á celebración doutro festexo directamente vinculado á literatura: o Día do Lector e das Lectoras en Galicia (3 de novembro). Para conmemorar ambas festividades, o grupo de secundaria deseñou unha tarefa de predicción de lectura arredor do texto “Corazón delator”, de Edgar Alan Poe. O alumnado do club de lectura de secundaria escolleu este texto como un achegamento á literatura de terror, que traballarán proximamente para preparar os seus propios relatos de medo durante o Samaín. Aínda que non nos propoñamos facelo de xeito explícito, sempre que lemos, facemos constantemente predicións: sobre o tipo de texto, o seu contido, a postura do autor respecto ao tema tratado ou a caracterización dos personaxes (no caso dunha obra literaria). Non sempre acertamos; ás veces, o autor xoga connosco, asentando a a...

Charla de sensibilización arredor da África lusófona

Imagen
 O luns, 18 de maio, ás 12.25h, o alumnado de 3º ESO participou nun charla de sensibilización arredor das circunstancias nas que vive a África lusófona, organizada pola biblioteca do centro con motivo da celebración das Letras Galegas, para que o estudantado do centro asocie este festexo non só ao ámbito literario galego, senón sobre todo á irmandade da cultura galega e lusófona. 

Acto do Día das Letras Galegas (17 de maio)

Imagen
 O venres 15 de maio celebrouse o Acto do Día das Letras Galegas no CPI Cabo da Area. Dito acto foi organizado polo Equipo de Dinamización da Lingua Galega en colaboración co Equipo de Biblioteca. O alumnado das etapas de infantil, primaria e secundaria participaron nuha homenaxe á escritora Begoña Caamaño, figura elixida neste ano 2026. O Acto consistiu na lectura de discursos para inaugurar a cerimonia de maneira cálida e amistosa. A continuación, realizouse a homenaxe propiamente dita. Neste sentido, o alumnado de cada curso escolar pasou fío de lá de cores por riba do debuxo de Begoña que estaba pintado no chan do pavillón a gran escala. Finalmente, profesorado e alumnado cantaron xuntos a canción titulada Begoñísima composta pola cantante galega Uxía Senlle, ao mesmo tempo, amiga de Begoña Caamaño. O acto clausurouse coa lectura dun discurso de agradecemento. Para esta cerimonia cargada de simbolismo o Equipo de Dinamización da Lingua Galega deseñou un debuxo da autora a gran ...