A Biblio do Cabo

 O martes, 25 de novembro, a biblioteca do CPI Cabo da Area conmemorou o Día Internacional da Eliminación da Violencia contra a Muller, elaborando co alumnado de 6º de educación primaria, 1º ESO e cos integrantes do club de lectura de secundaria unha serie de manifestos para amosar a súa repulsa contra a violencia machista. Estes textos foron presentados e lidos no acto público celebrado no pavillón polideportivo do centro, que contou coa presenza das autoridades municipais do concello para inaugurar o evento.  Alén dos manifestos, na Biblioteca de educación infantil e primaria realizouse unha exposición de libros e unha cartelería con temática vencellada ao feminismo, á igualdade e ao 25-N: Exposición 25-N e feminismo 2025

 As bibliotecas de Infantil e Primaria e de Secundaria oraganizaron unha exposición científica para o mes de novembro, que é o mes da ciencia. Neste sentido, os nenos e as nenas de infantil e primaria están gozando dunha magnífica exposición de obxectos científicos empregados pola humanidade ao longo do tempo. A exposición atópase no hall do colexio de Infantil e Primaria e entre ditos obxectos podemos atopar: disquetes, DVDs, Cds, cámaras de vídeo, unha máquina de escribir, prismáticos, entre outros. Deste xeito, a mocidade das novas xeracións ten acceso a coñecer un anaquiño da súa historia, vendo de preto os obxectos que empregaron as xeracións anteriores e a ver a evolución dos obxectos científicos e tecnolóxicos ao longo do tempo.  Exposición de obxectos científicos Educación Infantil e Primaria 2025 Ademais, na biblioteca de Infantil e Primaria as rapazas e os rapaces poden visitar unha exposición de libros científicos cos que deleitarse e observar aspectos da ciencia qu...

 O Equipo da Biblioteca do CPI Cabo da Area convocou, con motivo da celebración do Samaín, unha serie de certames nos que o alumnado do centro tivo ocasión de demostrar a súa creatividade. Así, os/as estudantes de educación infantil e primeiro ciclo de primaria participaron no concurso de manualidades terroríficas. Os seus gañadores foron Luan Castro Mouzo (5º EI) e Laura Suárez López (2º EP), respectivamente.  Pola súa parte, o alumnado do segundo ciclo de primaria inscribiuse no certame de apócemas, resultando gañadora Shaila Pereiro Lema (3º EP); mentres que os estudantes do terceiro ciclo e o alumnado de educación secundaria demostraron as súas destrezas creativas no concurso de relatos de terror, que gañaron Alejandra Romero Vázquez (5º EP) e Adrián Calo Suárez (3º ESO). Parabéns a todos e todas!    Samaín 2025

Co gallo da celebración do Samaín, o alumnado de 1º, 2º e 3º ESO reuniuse na biblioteca do edificio de secundaria (debidamente decorada para a ocasión) para compartir cos seus compañeiros e compañeiras a lectura de relatos de terror orixinais creados polos mesmos estudantes.      A sesión tivo lugar o mércores, 29 de outubro, entre as 10h e as 11.15h. Nela, participaron como relatores catro alumnos de 1º ESO e os integrantes do club de lectura de 2º e 3º ESO. Todos eles traballaron previamente na aula a estrutura do conto de medo, achegándose tamén a unha selección de lecturas que lles proporcionaron ideas para deseñar posteriormente o seu propio texto.  As lecturas foron amenizadas con música de suspense e dramatizadas polos/as relatores. Poderedes gozar do resultado final no podcast que se publicará proximamente na radio escolar ("Cabo de Area nas Ondas").