Sesión de lecturas terroríficas na biblioteca de secundaria

Co gallo da celebración do Samaín, o alumnado de 1º, 2º e 3º ESO reuniuse na biblioteca do edificio de secundaria (debidamente decorada para a ocasión) para compartir cos seus compañeiros e compañeiras a lectura de relatos de terror orixinais creados polos mesmos estudantes. 

 

 


A sesión tivo lugar o mércores, 29 de outubro, entre as 10h e as 11.15h. Nela, participaron como relatores catro alumnos de 1º ESO e os integrantes do club de lectura de 2º e 3º ESO. Todos eles traballaron previamente na aula a estrutura do conto de medo, achegándose tamén a unha selección de lecturas que lles proporcionaron ideas para deseñar posteriormente o seu propio texto. 



As lecturas foron amenizadas con música de suspense e dramatizadas polos/as relatores. Poderedes gozar do resultado final no podcast que se publicará proximamente na radio escolar ("Cabo de Area nas Ondas").

 








Comentarios

Publicar un comentario

Entradas populares de este blog

Postais navideñas na biblioteca de secundaria

Imagen
 A biblioteca de educación secundaria inaugurou o Nadal cunha exposición de postais en inglés e francés para celebrar estas datas. Ademais, o alumnado de 2º ESO do club de lectura preparou unha versión de Conto de Nadal, de Charles Dickens. Os textos serán publicados a través da aplicación Story Jumper para a creación dun libro dixital que recolla todas as achegas dos estudantes. 
Leer más

Obradoiro sobre a arte da regueifa

Imagen
 O pasado martes, 11 de febreiro, o alumnado inscrito na radio escolar e os estudantes do club de lectura de secundaria participaron nun obradoiro sobre a arte da regueifa, impartido por Lupe Blanco. O alumnado dividiuse en dous grupos. O primeiro deles estivo formado polos estudantes de 5º e 6º de educación primaria e o segundo estivo integrado polos alumnos e alumnas de secundaria.  En ambos obradoiros, Lupe Blanco ensinou aos estudantes a compoñer coplas, seguindo a súa estrutura métrica, e a elaborar pequenas regueifas, onde cada grupo replicaba ao anterior arredor dun tema determinado.  Por último, a alumna Nerea Barcia (2º ESO), pertencente ao club de lectura "Libros ao Cabo", entrevistou a Lupe Blanco sobre a súa experiencia na regueifa para emitir na radio escolar (Cabo da Area nas Ondas), que podedes escoitar na seguinte ligazón: https://zeno.fm/podcast/podcast-cabo-da-area-nas-ondas/episodes/entrevista-a-lupe-sobre-as-regueifas/. Os estudantes gozaron enorm...
Leer más

Día de Rosalía

Imagen
 A biblioteca de educación infantil e primaria contribuíu á preparación da celebración do Día de Rosalía organizando unha pequena exposición coas obras da autora que se atopan nos nosos fondos bibliográficos.  Ademais, o alumnado do centro colaborará no deseño da roseira de Rosalía (actividade proposta polo equipo de Dinamización da Lingua Galega), deseñando flores con materiais reciclados que conteñan algúns dos versos máis significativos da poetisa de Padrón. 
Leer más