A Biblio do Cabo

 Nestas datas tan especiais e de celebración do Nadal, tanto o alumnado de infantil e de primaria coma o de secundaria elaboraron postais navideñas para felicitar estas festas. Entre as postais realizadas atopamos numerosas creacións orixinais e divertidas, e outras máis clásicas. As postais de infantil e primaria alegraron o hall de entrada do edificio destas etapas con imaxes personalizadas, debuxos festivos e cores vivas. Asi mesmo, en secundaria decorouse a biblioteca e unha árbore de Nadal literaria, nas que se penduraron as postais  elaboradas polo alumnado en inglés, galego e francés. Postais de Nadal 2025

 O equipo da biblioteca celebrou o Mes da Ciencia en Galego coa organización dunha feira científico-tecnolóxica grazas á colaboración inestimable dos departamentos de Física e Química e Tecnoloxía. O acto tivo lugar o luns, 15 de decembro, entre as 09:30h e as 11:15h, na biblioteca de secundaria.  Parte do alumnado de 1º, 2º e 4º ESO, da man dos docentes Marcos Maseda e Fran Meijide, expuxeron ante os/as estudantes de educación infantil e primaria o funcionamento de varios experimentos. Por exemplo, a creación orixinal duns volcáns na materia de Proxecto competencial, de coches robots, de emisión musical recreada a partir de corrente conectada con auga, dunha casa cun muíño de vento para purificar o aire, de xogos de construción... Podedes comprobar o entusiasmo do público asistente nas seguintes imaxes.  O equipo da biblioteca desexa agradecer aos departamentos de Física e Química e Tecnoloxía o seu labor imprescindible para o desenvolvemento da actividade. 

 O alumnado do club de lectura de 2º ESO preparou durante o primeiro trimestre unha actividade dedicada a establecer nexos de unión entre os/as estudantes das tres etapas educativas que concentra o noso CPI. Os doce alumnos e alumnas que compoñen o club de lectura de 2º ESO organizáronse en pequenos grupos de traballo, seleccionando en primeiro lugar o curso ao que querían dirixirse para impartir unha sesión lectiva e a área que máis lles interesaba.  Así, dúas estudantes (Ainhoa Fandiño e Alma Varela) escolleron 5º de educación infantil, coa finalidade de traballar cos nenos e nenas do grupo as cores en inglés, os animais en galego e participar nunha sesión de contacontos de misterio. O resultado foi magnífico, tal e o como podedes comprobar na atención que amosaron os cativos e que queda reflectida das seguintes imaxes.  Pola súa parte, outra alumna (Elena Sampedro) escolleu 3º de educación primaria para afondar co grupo sobre o vocabulario en galego a través de diversa...

 O alumnado do club de lectura "Libros ao Cabo" elaborou un tríptico con recomendacións literarias para os lectores adultos da nosa comunidade educativa. Estas suxestións recollen unha coidada selección de obras en galego e castelán, entre as que se atopan pezas de Elia Barceló, Traci Chee, Almudena Grandes, Arantza Portabales, Muriel Barbery, Pedro Feijoo, Gloria Fuertes, Domingo Villar, Antón Riveiro Coello ou George Orwell.  Gozade da nosa escolla!  

 Os/As integrantes do club de lectura "Libros ao Cabo" prepararon para os seus compañeiros e compañeiras de educación secundaria unha serie de recomendacións lectoras co fin de gozar das vacacións navideñas cos títulos máis suxestivos da narrativa e a poesía en galego e en castelán. A selección de textos inclúe obras de autores e autoras tan representativos como Antía Yáñez, Agustín Fernández Paz, Diego Ameixeiras, Ledicia Costas, Berta Dávila, Fran Alonso, Patrick Rothfuss, Charles Dickens, Alfredo Gómez Cerdá ou María Solar.  Velaquí tedes a súa escolla!