A Biblio do Cabo

 O departamento de Bioloxía do centro preparou, en colaboración co equipo da biblioteca, unha feira científica que contiña unha mostra de experimentación especialmente deseñados para o alumnado do centro. A actividade celebrouse o venres, 29 de novembro. Os estudantes de educación infantil e primaria visitaron o laboratorio e a biblioteca de secundaria para asistir ás demostracións científicas realizadas por Laura Acosta e alumnado de Bioloxía da ESO.  En primeiro lugar, Laura Acosta montou unha exposición na entrada do edificio de secundaria que incluía maquetas feitas polo alumnado de secundaria e infografía sobre mulleres científicas galegas.  Ademais, organizouse unha xornada de portas abertas no laboratorio, para traballar cos máis cativos as normas de uso deste espazo e amosarlles os materiais do laboratorio.  Por último, a biblioteca de secundaria acolleu unha serie de experimentos adaptados aos distintos ciclos. Así, 4º, 5º e 6º de infantil presenciaron unha ...

 O mes de novembro está especialmente adicado á ciencia en galego. Precisamente por iso, o equipo da biblioteca planificou unha serie de actividades para celebralo: unha exposición temática e a redacción de biografías sobre mulleres científicas, que correrá a cargo do alumnado de 5º de educación primaria, para divulgalas logo ao resto dos compañeiros, de maneira que se familiaricen con elas.  Unha vez rematada esta fase da actividade, o equipo de Dinamización da Lingua Galega colaborará no deseño desta dinámica preparando uns kahoots para comprobar o coñecemento do alumnado do centro sobre estas figuras de referencia no ámbito científico.  Ademais, o departamento de Bioloxía de secundaria ten previsto organizar unha feria científica que acolla diversos experimentos adaptados á idade do alumnado do centro, de xeito que poida achegarse á ciencia de maneira práctica. 

 A biblioteca de infantil e primaria acolleu a chegada do Magosto habilitando un recuncho especialmente dedicado a festividade do outono. Trátase dunha exposición viva que irá alimentando ao longo das vindeiras semanas. 

 O pasado 3 de novembro, a biblioteca de infantil e primaria celebrou o Día do Lector en Galicia cunha actividade de contacontos onde o alumnado de 5º e 6º de educación primaria actuou como relatos para o resto dos seus compañeiros. Os estudantes de educación infantil gozaron especialmente da visita dos maiores e das lecturas escollidas. Dada a proximidade co festexo do Samaín, nesta ocasión, as lecturas elixidas polo equipo da biblioteca estiveron relacionadas con esta temática. 

 O alumnado de educación secundaria participou nunha sesión de lecturas terroríficas para celebrar o Samaín na tarde do martes, 29 de outubro. Os estudantes de 1º e 2º ESO do club de lectura do centro realizaron lecturas dos seus propios relatos de terror ante os compañeiros de 3º e 4º ESO.  Ademais, os coordinadores da biblioteca e do club de lectura escolleron textos de medo de Paula Carballeira e Edgar Allan Poe para completar a sesión coas lecturas traballadas polo alumnado voluntario da biblioteca e do club de lectura de secundaria.  As lecturas dramatizadas do alumnado do club de lectura de secundaria foron gravadas e emitidas na radio escolar: Cabo da Area nas Ondas. Podedes acceder ao podcast a través da seguinte ligazón: https://zeno.fm/podcast/podcast-cabo-da-area-nas-ondas/episodes/contos-de-samain-24-25/. 

 O equipo da biblioteca deseñou unha serie de actividades co alumnado de educación infantil e primaria para festexar o Samaín. En primeiro lugar, ocupáronse de decorar a área de lectura con motivos terroríficos.  Ademais, organizouse un concurso de manualidades terroríficas, no que participou o alumnado de educación infantil, 1º, 2º e 3º de primaria. Como podedes observar nas fotos que vos adxuntamos, as cabazas presentadas foron magníficas. Os membros do xurado tiveron verdadeiras dificultades para elixir as manualidades premiadas. Os gañadores das dúas modalidades foron Adrán Arias Mira (6º de educación infantil) e Carolina Andrade Romar (3º de educación primaria). Os agasallos foron entregados no desfile de Samaín que se organizou no centro o pasado 30 de outubro.