A Biblio do Cabo

 Nas etapas de educación infantil e primaria oraganizouse unha exposición de libros infantís e xuvenís de autores clásicos e contemporáneos que gozan de amplo recoñecemento na literatura universal. Algúns destes autores son Roal Dahl, autor de libros coma Charlie e a fábrica de chocolate e Agu Trot, entre outros; Lewis Caroll, autor de Alicia no país das marabillas e Xulio Verne, autor de Viaxe ao centro da terra, entre outros; Edagar Alla Poe , autor de O escarabello de ouro e outros relatos, entre outros, etc. Deste xeito, os alumnos e as alumnas destas etapas poden acceder a estas obras célebres da literatura universal e tamén a obras de autores nacionais coma Elvira Lindo, autora de Manolito gafotas . Trátase de libros que estiveron presentes na infancia de moitos nenos e nenas que agora, ditos nenos/as son persoas adultas. Noutras palabras, a lectura destas obras clásicas e contemporáneas fai que perdure unha herdanza cultural común. Día do Libro 2026

       O 1 de abril do ano 2026 a NASA iniciou a misión Artemis II co obxectivo de enviar unha tripulación de astronautas á lúa. O despegue desta histórica misión fíxose a bordo da nave Orión e pretetendía visitar a cara oculta deste satélite. As etapas de infantil e primaria quixeron rendirlle unha homenaxe á Misión Artemis II elaborando unha exposición de sobre o espazo. Deste xeito, os rapaces e rapazas poderán explorar e interesarse por este fascinante tema enmarcado no eido científico. Exposición do Espazo con motivo da Misión Artemis II da NASA 2026

 O pasado venres, 10 de abril, no marco do Mes do Libro, o alumnado do club de lectura de 1º e 2º ESO participou nun encontro literario coa escritura, ilustradora e muralista Estefanía Padullés. O acto, presentado polos alumnos Alma Varela e Edu Pombo, comezou ás 12.25h e rematou ás 14.05h. Estivo composto de dúas grandes partes. A primeira delas foi o achegamento á traxectoria artística da autora, xunto cunha entrevista realizada polo resto dos/das estudantes de 2º ESO arredor da súa obra A egua de Breogán .  Posteriormente, a escritora impartiu un obradoiro arredor do proceso de confección e ilustración dun libro. E rematou cunha mostra do seu talento ao debuxar un mural que se colgará no corredor das aulas de 1º e 2º ESO presidido pola egua protagonista do seu libro e acompañada polo resto dos animais que os asistentes ao obradoiro lle solicitaron á artista.  O evento rematou cun pícnic literario e unha fotografía do grupo con Estefanía Padullés, que foi agasallada pol...

     O mércores 25 de marzo o alumnado seleccionado de 5º e 6º de educación primaria, e de 2º e 3º de educación secundaria recibiu un curso de locución e dobraxe, da man do locutor profesional Damián Alonso. O curso dividiuse en 3 partes: 1ª parte - Voz, Dicción e Guión: Nesta primeira parte o alumnado traballou a súa voz, a dicción e a interpretación lendo diferentes frases con entoacións diferentes e divertidas. 2ª parte - Escritura de Guión:      Nesta segunda parte o alumnado colocouse por parellas para escribir un guion. Primeiramente, elixiron un tema e logo, seguiron as indicacións do profesor para elaborar un guion. No guion desenvolveron dito tema coma se foran locutores de radio profesionais.  3ª parte - Gravación:      Aquí o alumnado aprendeu conceptos técnicos coma o de gravar o programa radiofónico e introducir e quitar a música, poñendo en práctica a entoación das frases ensinada previamente por Damián Alonso.   ...

 No marco da Semana Cultural e con motivo da celebración da Semana da Prensa, parte do alumnado do club de lectura de 2º e 3º ESO participou o pasado 25 de marzo nun obradoiro de locución radiofónica impartido por Damián Alonso. Os/As estudantes, que colaboran activamente na iniciativa "A Radio na Biblio", xunto con outros compañeiros de 5º, 6º de educación primaria e 1º ESO, aprenderon da man deste especialista a redactar, emitir e gravar un guion radiofónico a tavés da modulación da voz e dos efectos sonoros e musicais que este xénero xornalístico permite. 

       O mércores 25 de marzo, no marco da Semana Cultural, tivo lugar o Obradoiro de baile tradicional galego impartido polo profesor Miguel Abad e dirixido ao alumnado de 1º ESO.      Os rapaces e as rapazas escoitaron atentamente as explicacións de Miguel e praticaron os movementos de "punta, talón, punta", bailando ao son da pandeireta e mantendo o ritmo da muiñeira.      Finalmente, tamén bailaron en parellas compartindo risos e pisotóns mentres pasaron un momento divertido e alegre. Agora xa están preparados para bailar con xeito nas festas da aldea. Obradoiro de baile tradicional galego 2026

 O mércores, 25 de marzo, no marco da Semana Cultural do centro, parte do alumnado do club de lectura de 2º e 3º ESO, participou nun obradoiro de Dramaturxia e expresión corporal da man do artista Xan Martínez. O obxectivo deste taller foi familiarizar aos estudantes coas técnicas dramatúrxicas e coa acción escénica, facéndoos conscientes da importancia da corporalidade para emitir mensaxes claras, empáticas e convincentes.  A través dun xogo desenvolvido polo pedagogo teatral Peter Brook, traballouse a capacidade de escoita, de atención distributiva e de percepción corporal. Deste xeito, o alumnado do club de lectura de educación secundaria festexou o Día Internacional do Teatro (celebrado o 27 de marzo).