Obradoiro sobre a arte da regueifa

 O pasado martes, 11 de febreiro, o alumnado inscrito na radio escolar e os estudantes do club de lectura de secundaria participaron nun obradoiro sobre a arte da regueifa, impartido por Lupe Blanco. O alumnado dividiuse en dous grupos. O primeiro deles estivo formado polos estudantes de 5º e 6º de educación primaria e o segundo estivo integrado polos alumnos e alumnas de secundaria. 

En ambos obradoiros, Lupe Blanco ensinou aos estudantes a compoñer coplas, seguindo a súa estrutura métrica, e a elaborar pequenas regueifas, onde cada grupo replicaba ao anterior arredor dun tema determinado. 

Por último, a alumna Nerea Barcia (2º ESO), pertencente ao club de lectura "Libros ao Cabo", entrevistou a Lupe Blanco sobre a súa experiencia na regueifa para emitir na radio escolar (Cabo da Area nas Ondas), que podedes escoitar na seguinte ligazón: https://zeno.fm/podcast/podcast-cabo-da-area-nas-ondas/episodes/entrevista-a-lupe-sobre-as-regueifas/.

Os estudantes gozaron enormemente da actividade, que lles serviu para preparar a súa intervención sobre a tradición da regueifa na contorna para o programa Ponte nas Ondas. Este celebrarase en directo o vindeiro 26 de marzo no auditorio de Vimianzo. 

Ademais, o alumnado do club de lectura de secundaria animouse a interpretar as súas propias regueifas, tal e como podedes apreciar nas seguintes imaxes:

Para acceder aos vídeos da actuación do alumnado do club de lectura "Libros ao Cabo", clicade nas seguintes ligazóns:

https://drive.google.com/file/d/18awekLr1lGkmuGAJKDXrO8RHdfqlO4Li/view?usp=sharing

https://drive.google.com/file/d/1tIM4yLxJ2cFrFGX2JM50HJcqmUvkd_Tm/view?usp=sharing