Pulseiras con mensaxes de paz para celebrar o Día da paz

 Con motivo do día da Paz que se conmemora o 30 de xaneiro, o equipo de Biblioteca, en colaboración co equipo de Dixitalización e coa axuda de algún alumnado, confeccionou unhas pulseiras de cor azul e beige que contiñan mensaxes de paz. Ditas pulseiras foron entregadas a cada alumno da ESO.


Nas pulseiras que o alumnado levou nos seus pulsos podemos atopar as seguintes mensaxes pronunciadas polas persoas máis influíntes da historia como por exemplo:

"A paz comeza cun sorriso" Teresa de Calcuta. 

"A paz mundial comeza coa paz interior" Dalai Lama.

"Non podes atopar a paz evitando a vida" Virginia Woolf.

"A paz é sempre fermosa" Walt Whutman.

"Non podes separar a paz da liberdade" Malcolm X.


O alumnado colaborou colocando cada pulseira no pulso dun compañeiro e tamén pedindo axuda ás profesoras. As pulseiras foron lucidas para a celebración do Día da paz no colexio. Este foi o resultado:



Día da Paz 2026

 

Comentarios

Publicar un comentario

Entradas populares de este blog

Obradoiro de Dramaturxia e expresión corporal para o alumnado do club de lectura de secundaria

Imagen
 O mércores, 25 de marzo, no marco da Semana Cultural do centro, parte do alumnado do club de lectura de 2º e 3º ESO, participou nun obradoiro de Dramaturxia e expresión corporal da man do artista Xan Martínez. O obxectivo deste taller foi familiarizar aos estudantes coas técnicas dramatúrxicas e coa acción escénica, facéndoos conscientes da importancia da corporalidade para emitir mensaxes claras, empáticas e convincentes.  A través dun xogo desenvolvido polo pedagogo teatral Peter Brook, traballouse a capacidade de escoita, de atención distributiva e de percepción corporal. Deste xeito, o alumnado do club de lectura de educación secundaria festexou o Día Internacional do Teatro (celebrado o 27 de marzo).
Leer más

Manifestos e Exposición no Día Internacional da Eliminación da Violencia contra a Muller

Imagen
 O martes, 25 de novembro, a biblioteca do CPI Cabo da Area conmemorou o Día Internacional da Eliminación da Violencia contra a Muller, elaborando co alumnado de 6º de educación primaria, 1º ESO e cos integrantes do club de lectura de secundaria unha serie de manifestos para amosar a súa repulsa contra a violencia machista. Estes textos foron presentados e lidos no acto público celebrado no pavillón polideportivo do centro, que contou coa presenza das autoridades municipais do concello para inaugurar o evento.  Alén dos manifestos, na Biblioteca de educación infantil e primaria realizouse unha exposición de libros e unha cartelería con temática vencellada ao feminismo, á igualdade e ao 25-N: Exposición 25-N e feminismo 2025
Leer más